YOVO ; ഫോട്ടോ ഇനി പേടിയില്ലാതെ ഷെയര്‍ ചെയ്യാം,,

വാഷിംഗ്ടണ്‍: സ്വകാര്യത ആഗ്രഹിക്കുന്നവര്‍ക്ക് ഒരു പുതിയ ആപ്പ്. ‘യോവോ’ എന്ന ആപ്ലിക്കേഷന്‍ ഉപയോഗിച്ച് ഇനി ഫോട്ടോ പേടിയില്ലാതെ കൈമാറാം. ആപ്പ് ഉപയോഗിച്ച് ഷെയര്‍ ചെയ്യുന്ന ഫോട്ടോകള്‍ സ്‌ക്രീന്‍ഷോട്ട് എടുക്കുന്നത് തടയാനാകും.

കണ്ടന്റ് ഗാര്‍ഡ് എന്ന സോഫ്റ്റ്‌വെയര്‍ കമ്പനിയാണ് യോവോ വികസിപ്പിച്ചിരിക്കുന്നത്. യോവോ ഉപയോഗിച്ച് എടുക്കുന്ന ഫോട്ടോകള്‍ സോഷ്യല്‍ മീഡിയ സൈറ്റുകളായ ഫേസ്ബുക്ക്, ട്വിറ്റര്‍ തുടങ്ങിയവക്ക് പുറമെ യോവോയില്‍ തന്നെ ഷെയര്‍ ചെയ്യാന്‍ സാധിക്കും.

ഷെയര്‍ ചെയ്ത ഫോട്ടോകള്‍ സാധാരണ നിലയില്‍ തന്നെയായിരിക്കും. എന്നാല്‍, സ്‌ക്രീന്‍ഷോട്ട് എടുക്കാനോ കോപ്പി എടുത്ത് സേവ് ചെയ്യുമ്പോളോ ആയിരിക്കും ചിത്രത്തിന് മുമ്പില്‍ ഗ്രിഡ് പ്രത്യക്ഷപ്പെടുക. ഇത്തരത്തില്‍ പ്രത്യക്ഷപ്പെടുന്ന ബാരിയര്‍ ഗ്രിഡ് ചിത്രം അവ്യക്തമാക്കുന്നു. ഡി-ഫെന്‍സ്‌ സ്‌ക്രീന്‍ ടെക്‌നോളജിയാണ് ഇത് സാധ്യമാക്കുന്നത്. ഇത്തരത്തില്‍ ഫോട്ടോ ബ്ലെറാക്കുന്നതിനു പുറമെ ഓട്ടോ ഡിലീറ്റ് ഫീച്ചറും യോവോയിലുണ്ട്. ഒരു സെക്കന്റ് മുതല്‍ 24 മണിക്കൂര്‍ വരെ സമയം സെറ്റ്‌ചെയ്യാന്‍ സാധിക്കും.

പ്രമുഖരുടെ സൊകാര്യ ചിത്രങ്ങളടക്കം മോഷ്ടിക്കപ്പെടുന്ന സാഹചര്യത്തില്‍ വരുന്ന യോവോ ആപ്ലിക്കേഷന് മികച്ച പ്രചാരമായിരിക്കും ലഭിക്കുക. നിലവില്‍ ഐഫോണ്‍ മോഡലുകളില്‍ മാത്രമാണ് യോവോ പ്രവര്‍ത്തിക്കുക. ആപ്പിന്റെ ആന്‍ഡ്രോയിഡ് പതിപ്പും ഉടനെത്തും.

Courtesy:http://www.indiavisiontv.com/

                         Yovo

Windows 10 ; സ്റ്റാര്‍ട്ട് മെനു തിരിച്ചെത്തുന്നു, കൂടുതൽ സവിശേഷതകളോടെ..!

മൈക്രോസോഫ്റ്റിന്റെ അടുത്ത ഓപ്പറേറ്റിങ് സിസ്റ്റമായ വിന്‍ഡോസ് 10 ന്റെ ആദ്യവിവരങ്ങള്‍ കമ്പനി വെളിപ്പെടുത്തി. 

വിന്‍ഡോസ് 8 ന് ശേഷം 9 ഇല്ല എന്നതാണ് ശ്രദ്ധേയമായ കാര്യം. മാത്രമല്ല, വിന്‍ഡോസ് 8 ല്‍ ഒഴിവാക്കപ്പെട്ട 'സ്റ്റാര്‍ട്ട് മെനു' ( Start Menu ) തിരികെയെത്തുന്നു എന്ന സവിശേഷതയും പുതിയ വിന്‍ഡോസ് പതിപ്പിനുണ്ട്.
പേഴ്‌സണല്‍ കമ്പ്യൂട്ടറുകള്‍ക്കും ടാബ്‌ലറ്റുകള്‍ക്കും സ്മാര്‍ട്ട്‌ഫോണുകള്‍ക്കും 'എക്‌സ്‌ബോക്‌സ്' ( Xbox ) ഗെയിം കണ്‍സോളിനുമെല്ലാം ഒരേ ഒ.എസ് ഉപയോഗിക്കാനും, ബന്ധപ്പെട്ട ആപ്ലിക്കേഷനുകളെല്ലാം ഒറ്റ സ്‌റ്റോറില്‍നിന്ന് ഡൗണ്‍ലോഡ് ചെയ്യാനും പാകത്തിലാണ് വിന്‍ഡോസ് 10 എത്തുന്നതെന്ന്, കമ്പനിയുടെ അറിയിപ്പ് പറയുന്നു.

തിരിച്ചെത്തുന്ന സ്റ്റാര്‍ട്ട് മെനുവില്‍ യുസറിന്റെ ഇഷ്ട ആപ്ലിക്കേഷനുകള്‍ ഒക്കെയുണ്ടാകും. മാത്രമല്ല, വിന്‍ഡോസ് 8 ഇന്റര്‍ഫേസിന്റെ മാതൃകയില്‍, പരിഷ്‌ക്കരിച്ച ടൈലുകളുടെ രൂപത്തിലും സ്റ്റാര്‍ട്ട് മെനുവില്‍ ആപ്ലിക്കേഷനുകള്‍ പ്രത്യക്ഷപ്പെടും.

പുതിയ ഈമെയിലുകള്‍, ഫെയ്‌സ്ബുക്ക് സന്ദേശങ്ങള്‍, കാലാവസ്ഥാ വിവരങ്ങള്‍ തുടങ്ങിയവയൊക്കെ ക്വിക്ക് വ്യൂ നോട്ടിഫിക്കേഷനുകളായി ലഭ്യമാവുകയും ചെയ്യും. 
വിന്‍ഡോസ് 7 ഉപയോഗിച്ച് പരിചയമുള്ളവര്‍ക്കും, വിന്‍ഡോസ് 8 ഉപയോഗിക്കുന്നവര്‍ക്കും ഒരുപോലെ ഇഷ്ടപ്പെടാന്‍ പാകത്തിലാണ് സ്റ്റാര്‍ട്ട് മെനു സംവിധാനം വിന്‍ഡോസ് 10 ല്‍ ഉള്‍ക്കൊള്ളിക്കുന്നതെന്ന് മൈക്രോസോഫ്റ്റ് പറയുന്നു. 
ഏത് ഉപകരണത്തിലാണോ പ്രവര്‍ത്തിക്കുന്നത് അതിനനുസരിച്ചുള്ള സവിശേഷതകളാകും വിന്‍ഡോസ് 10 ഒ.എസ് കാട്ടുക. വിന്‍ഡോസ് 8 ഉപയോഗിക്കുമ്പോഴത്തെ മാതിരി, ഡെസ്‌ക്‌ടോപ്പ് മോഡിലേക്കും ടൈല്‍ ഇന്റര്‍ഫേസിലേക്കും ഇടയ്ക്കിടയ്ക്ക് മാറേണ്ട ആവശ്യം പുതിയ ഒ.എസിലില്ല. 

ടച്ചും കീബോര്‍ഡും മൗസും ഒരേസമയം ഉള്‍പ്പെടുത്തിയ വിന്‍ഡോസ് 8 ല്‍ ആ ഘടകങ്ങളെല്ലാം ശരിക്ക് പ്രവര്‍ത്തിക്കുന്നില്ല എന്ന് ആക്ഷേപമുയര്‍ന്നിരുന്നു. ഇത്തരം വ്യത്യസ്ത 'ഇന്‍പുട്ട്' സങ്കേതങ്ങള്‍ ഒത്തിണങ്ങി മികവോടെ പ്രവര്‍ത്തിക്കാന്‍ പാകത്തിലാണ് വിന്‍ഡോസ് 10 രൂപപ്പെടുത്തിയിട്ടുള്ളതെന്ന് മൈക്രോസോഫ്റ്റ് പറയുന്നു. 

മാത്രമല്ല, 'വിന്‍ഡോസ് 10' ആയിരിക്കും അടുത്ത വിന്‍ഡോസ് ഫോണ്‍ ഒഎസ് എന്നും മൈക്രോസോഫ്റ്റ് സ്ഥിരീകരിച്ചു. എന്നുവെച്ചാല്‍, ഭാവിയില്‍ പ്രത്യേകം സ്മാര്‍ട്ട്‌ഫോണ്‍ പ്ലാറ്റ്‌ഫോം മൈക്രോസോഫ്റ്റിനുണ്ടാകില്ല. 

ഇപ്പോഴും വിന്‍ഡോസ് 7 മുന്നില്‍ 
മുന്‍ വേര്‍ഷനെ അപേക്ഷിച്ച് തികച്ചും വ്യത്യസ്തം - ഇതായിരുന്നു വിന്‍ഡോസ് 8 നെ കുറിച്ച് ഉപയോക്താക്കള്‍ക്കിടയില്‍ ഉയര്‍ന്ന വിമര്‍ശം. സ്റ്റാര്‍ട്ട് മെനു ഇല്ല, കണ്‍ട്രോള്‍ പാനലില്‍ എത്താന്‍ വലിയ പെടാപ്പാട് വേണം എന്നിങ്ങനെയുള്ള ആക്ഷേപങ്ങളും വ്യാപകമായി.
ഇത്തരം പ്രശ്‌നങ്ങള്‍ മൂലം വന്‍കിട സ്ഥാപനങ്ങള്‍ മിക്കവയും വിന്‍ഡോസ് 8 ലേക്ക് അപ്‌ഗ്രേഡ് ചെയ്യാന്‍ മടിച്ചു. ആ ഒ.എസിന്റെ ആദ്യ വേര്‍ഷന്‍ വന്നിട്ട് രണ്ടുവര്‍ഷമായെങ്കിലും ഇപ്പോഴും കുറഞ്ഞ തോതില്‍ മാത്രമേ വിന്‍ഡോസ് 8 ലേക്ക് വ്യക്തികളും സ്ഥാപനങ്ങളും മാറിയിട്ടുള്ളു. സ്വാഭാവികമായും വില്‍പ്പനയും കുറവായിരുന്നു.

ഇത്തരം പ്രശ്‌നങ്ങള്‍ ഇല്ലാതെ വിന്‍ഡോസ് 10 ഇറക്കുക എന്നത് മൈക്രോസോഫ്റ്റിനെ സംബന്ധിച്ച് നിര്‍ണായകമാണ് - ഫോറസ്റ്റര്‍ കണ്‍സള്‍ട്ടന്‍സിയിലെ ഡോവിഡ് ജോണ്‍സണ്‍ ബി.ബി.സി.യോട് പറഞ്ഞു. 

"നെറ്റ്മാര്‍ക്കറ്റ്‌ഷെയര്‍' എന്ന ഗവേഷണസ്ഥാപനത്തിന്റെ കണക്ക് പ്രകാരം, നിലവില്‍ 13.4 ശതമാനം പി സികളില്‍ മാത്രമേ വിന്‍ഡോസ് 8, അല്ലെങ്കില്‍ വിന്‍ഡോസ് 8.1 ഉപയോഗിക്കുന്നുള്ളൂ. 51.2 ശതമാനം പേഴ്‌സണല്‍ കമ്പ്യൂട്ടറുകളും വിന്‍ഡോസ് 7 ല്‍ ആണ് ഓടുന്നത്. 23.9 ശതമാനം എണ്ണം വിന്‍ഡോസ് എക്‌സ്പിയിലും (വിന്‍ഡോസ് എക്‌സ്പിക്ക് ഇപ്പോള്‍ മൈക്രോസോഫ്റ്റിന്റെ പിന്തുണയില്ല എന്നോര്‍ക്കുക).

സ്റ്റാര്‍ട്ട് മെനു തിരിച്ചിത്തെയത് വിന്‍ഡോസ് 10 നെ കൂടുതല്‍ സ്വീകാര്യമാക്കുമെന്ന് ജോണ്‍സണ്‍ പറയുന്നു. 'ഇത് വളരെ പ്രധാനപ്പെട്ട സംഗതിയാണ്'.
വിന്‍ഡോസ് 10 സംബന്ധിച്ച പ്രഥമിക വിവരങ്ങളാണ് മൈക്രോസോഫ്റ്റ് ഇപ്പോള്‍ വെളിപ്പെടുത്തിയിരിക്കുന്നത്. ഇതെപ്പറ്റി ഒട്ടേറെ സംശയങ്ങള്‍ ഇനിയും ദൂരീകരിക്കനുണ്ട്. 

അടുത്തയാഴ്ചയോടെ ട്രയല്‍ വേര്‍ഷന്‍ കിട്ടുമെന്ന് സൂചിപ്പിക്കുന്നുണ്ടെങ്കിലും, വിന്‍ഡോസ് 10 എപ്പോഴേക്ക് ഉപഭോക്താക്കള്‍ക്ക് ലഭ്യമാകുമെന്ന് മൈക്രോസോഫ്റ്റ് കൃത്യമായി പറയുന്നില്ല. ഈ വര്‍ഷം അവസാനത്തോടെ, അല്ലെങ്കില്‍ 2015 ആദ്യത്തോടെ വിന്‍ഡോസ് 10 എത്തിയേക്കുമെന്ന് നിരീക്ഷകര്‍ കരുതുന്നു.

വിലയുടെ കാര്യത്തിലും മൈക്രോസോഫ്റ്റ് മൗനം പാലിക്കുന്നു. നിലവില്‍ വിന്‍ഡോസ് 8, വിന്‍ഡോസ് 8.1 ഒഎസുകള്‍ ഉപയോഗിക്കുന്നവര്‍ക്ക് സൗജന്യമായി വിന്‍ഡോസ് 10 ലേക്ക് അപ്‌ഗ്രേഡ് ചെയ്യാനാകുമോ, അതോ കാശ് കൊടുക്കണോ എന്ന കാര്യവും വ്യക്തമല്ല 

Watch Video Here -->>

Courtesy: www.mathrubhumi.com, & മൈക്രോസോഫ്റ്റ്

ആൻഡ്രോയ്ഡ് ഫോണ്‍ന്‍റെ സ്പീഡ് കൂട്ടാന്‍....

RAM Manager 7.0.1 Pro ഇത് നിങ്ങളുടെ  ആൻഡ്രോയ്ഡ് ഫോണ്‍ന്‍റെ  റാം ന്‍റെ സ്പീഡ് കൂട്ടാന്‍ വേണ്ടിട്ടുള്ള ഒരു ആപ്ലിക്കേഷന്‍ ആണ്

നിങ്ങളുടെ ഫോണ്‍ ന്‍റെ പെര്ഫോമെന്‍സ് കൂട്ടാന്‍ RAM Manager 7.0.1 Pro ഇന്‍സ്റ്റോള്‍ ചെയ്ത് ഓപ്പണ്‍ ചെയ്യുക. എനിട്ട്‌ താഴെയുള്ള custom settings ല്‍ പോയി  foreground apps ഒരു 100MB ആക്കി confirm ചെയ്യുക.  

ഇനി ഒന്നു നോക്ക് നിങ്ങളുടെ ഫോണ്‍ന്‍റെ സ്പീഡ്....!




Courtesy: www.xybersec.org

ആൻഡ്രോയിഡ് ഫോണുകളിലെ അറിഞ്ഞിരിക്കേണ്ട ചില രഹസ്യ കോഡുകൾ

ആൻഡ്രോയിഡിൻറെ സൗകര്യങ്ങളെ കുറിച്ച് ഒരു പരിധി വരെ എല്ലാവരും ബോധവാന്മാരാണ്. ഒരു ആൻഡ്രോയിഡ് ഫോണെങ്കിലും ഇല്ലാത്ത വീടുകൾ ഇപ്പോൾ വളരെ ചുരുക്കമാണ്. എന്നാൽ ആൻഡ്രോയിഡിന് ചില രഹസ്യ കോഡുകൾ ഉണ്ട്. ഇവ പലർക്കും അറിയില്ല. ആൻഡ്രോയിഡിലെ ഈ രഹസ്യ കോഡുകൾ നിങ്ങളുടെ പല ആവശ്യങ്ങൾക്കും ഉപയോഗപ്പെടുത്താവുന്നവയാണ്. ആ രഹസ്യ കോഡുകൾ എങ്ങനെ ഉപയോഗപ്പെടുത്താമെന്ന് ഇതാ താഴെ കൊടുക്കുന്നു.
–

Code	Description
*#*#4636#*#*	Display information about Phone, Battery and Usage statistics
*#*#7780#*#*	Resetting your phone to factory state-Only deletes application data and applications
*#*#273283*255*663282*#*#*	For a quick backup to all your media files
*#*#7594#*#*	Changing the power button behavior-Enables direct power off once the code enabled
*#*#34971539#*#*	Shows completes information about the camera
*2767*3855#	It’s a complete wiping of your mobile also it re-installs the phones firmware
*#*#197328640#*#*	Enabling test mode for service activity
*#*#232339#*#* OR *#*#526#*#*	Wireless Lan Tests
*#*#232338#*#*	Displays Wi-Fi Mac-address
*#*#1472365#*#*	For a quick GPS test
*#*#1575#*#*	A Different type GPS test
*#*#0283#*#*	Packet Loop back test
*#*#0*#*#*	LCD display test
*#*#0673#*#* OR *#*#0289#*#*	Audio test
*#*#0842#*#*	Vibration and Back-light test
*#*#2663#*#*	Displays touch-screen version
*#*#2664#*#*	Touch-Screen test
*#*#0588#*#*	Proximity sensor test
*#*#3264#*#*	Ram version
*#*#232331#*#*	Bluetooth test
*#*#7262626#*#*	Field test
*#*#232337#*#	Displays Bluetooth device address
*#*#8255#*#*	For Google Talk service monitoring
*#*#4986*2650468#*#*	PDA, Phone, Hardware, RF Call Date firmware info
*#*#1234#*#*	PDA and Phone firmware info
*#*#1111#*#*	FTA Software version
*#*#2222#*#*	FTA Hardware version
*#*#44336#*#*	Displays Build time and change list number
*#06#	Displays IMEI number
*#*#8351#*#*	Enables voice dialing logging mode
*#*#8350#*#*	Disables voice dialing logging mode
##778 (+call)	Brings up Epst menu

• *#06#                                   IMEI of your device, enter this code.
• *#0*#                                    service menu on the very new Android phones.
• *#0228#                              To check battery status.
• *#9090# / *#1111#            To make device in Service mode.
• *#*#4636#*#*                     To get information about battery, usage statistics and device.
• *#12580*369#                    To get software and hardware info.
• *#228#                                 For ADC Reading.
• *#*#197328640#*#*            It enables test mode for service.
• *#*#8351#*#*                      To enable voice dial mode.
• *#*#8350#*#*                       To disable the voice dial mode.
• *#*#0842#*#*                       To test Back-light/vibration.
• *#*#2664#*#*                       To test the touch-screen.
• *#9090#                                To Diagnose configuration of device.
• *#*#7780#*#*                       Reset to factory state.
• *2767*3855#                        To format Android device.
• *#*#7594#*#*                       To change power button behaviour once code enabled. 

Courtesy: nirbhayam.com/

പേരുമാറ്റുന്നു; നോകിയ ഇനി മൈക്രോസോഫ്റ്റ് മൊബൈല്‍

സാന്‍ഫ്രാന്‍സിസ്കോ: ലോകത്തിലെ ജനപ്രിയ മൊബൈല്‍ ബ്രാന്‍ഡുകളിലൊന്നായ നോകിയ മൊബൈല്‍ പേരുമാറ്റുന്നു. മൈക്രോ സോഫ്റ്റ് മൊബൈല്‍ എന്നായിരിക്കും ഇനി നോകിയ അറിയപ്പെടുക. നോകിയയെ മൈക്രോസോഫ്റ്റ് ഏറ്റെടുത്തതിന്റെ ഭാഗമായാണ് പേരുമാറ്റം. ഏപ്രില്‍ അവസാനത്തോടെ നോകിയ-മൈക്രോസോഫ്റ്റ് ഏറ്റെടുക്കല്‍ പൂര്‍ത്തിയാവും. ഇതിനുശേഷമായിരിക്കും പേരുമാറ്റം നിലവില്‍ വരിക.

720 കോടി ഡോളറിന്റെ(48,000 കോടി രൂപ)ഏറ്റെടുക്കല്‍ കരാറിന്റെ ഭാഗമായി നോകിയ എന്ന ബ്രാന്‍ഡ് നെയിം അടുത്ത 10 വര്‍ഷത്തക്കുകൂടി ഉപയോഗിക്കാനുള്ള അവകാശവും മൈക്രോസോഫ്റ്റ് സ്വന്തമാക്കിയിരുന്നു. ഇതിനുപുറമെ നോകിയയുടെ സ്വന്തം മൊബൈല്‍ പേറ്റന്റുകളും ലൈസന്‍സിലുള്ള പേറ്റന്റുകളും മൈക്രോസോഫ്റ്റിന് സ്വന്തമാവും. നോകിയയുടെ ജനപ്രിയ മോഡലുകളായ ലൂമിയ, ആശ ബ്രാന്‍ഡുകളുടെ പേര് ഉപയോഗിക്കാനുള്ള അവകാശവും മൈക്രോസോഫ്റ്റിനാണ്. 

സ്മാര്‍ട്ട് ഫോണുകള്‍ വന്നതോടെ സാംസംഗ്, ആപ്പിള്‍ തുടങ്ങിയവയ്ക്കു മുമ്പില്‍ പിടിച്ചുനില്‍ക്കാനാവാതെ നോകിയ നഷ്ടത്തിലേക്കു കൂപ്പുകുത്തുകയായിരുന്നു. കഴിഞ്ഞവര്‍ഷം 2.55 ലക്ഷം കോടി രൂപ വിറ്റുവരവില്‍ 26,350 കോടിരൂപ നഷ്ടമാണു കമ്പനിക്കുണ്ടായത്. ലോക മൊബൈല്‍ ഫോണ്‍ വിപണിയുടെ 40 ശതമാനം വരെ ഒരുകാലത്തു സ്വന്തമാക്കിയിരുന്ന നോകിയയ്ക്ക് പക്ഷെ സ്മാര്‍ട്ട് ഫോണ്‍ വാഴ്ചയില്‍ അടിതെറ്റുകയായിരുന്നു.

Courtesy: http://www.asianetnews.tv/